+7 (978) 799 46 75
Иш йыллары девамында "Фиданчыкъ"та 500-ден зияде бала тасиль алды. Мезунларымыз - Къырымнынъ медений аятында фааль иштирак эткен, мектеплерде яхшы окъугъан ве озь кимлигинен гъурурлангъан, кендинде эмин ве акъыллы инсанлар.
Бала меркези акъкъында
Бала меркези балаларгъа, озь ишини яхшы бильген оджаларымыз кечирген, динамик ве шенъ дерслер вастасынен халкъынынъ зенгин медениети ве тилине далмагъа ярдым эте.
Чокъча бильмек
Ясли
2-3 яшында балалар
Орта группа
4-5 яшында балалар
Буюк группа
5 - 7 яшында балалар
Къалув шекиллери

Саба ве куньдюз вакъытлары огретиджи дерслер. Огретюв шекиллери баланынъ бала меркезинде кечирген саат сайысына коре фаркъ эте.
Ярым кунь
08:00 – 13:00
  • Балаларнынъ къаршылавы 8:00 - 8:20
  • Беден тербиеси 8:30
  • Фааль оюнлар 8:45 - 9:00
  • Саба емеги 9:00 - 9:30
  • Дерслер 9:30- 11:15
  • Кезинти 11:15 - 12:25
  • Темизлик процедуралары 12:25 - 12:30
  • Уйле емеги 12:30 - 12:50
  • Балаларны эвге озгъарувы 13:00
Yazılmaq
Бутюн кунь
08:00 – 17:30
  • Балаларнынъ къаршылавы 8:00 - 8:20
  • Беден тербиеси 8:30
  • Фааль оюнлар 8:45 - 9:00
  • Саба емеги 9:00 - 9:30
  • Дерслер 9:30- 11:15
  • Кезинти 11:15 - 12:25
  • Темизлик процедуралары 12:25 - 12:30
  • Уйле емеги 12:30 - 12:50
  • Юкъу 13:15 - 15:30
  • Мешгъулиетлер ве оюнлар 15:30 - 15:45
  • Акъшам емеги 15:45 - 16:15
  • Кезинти 16:30
  • Балаларны эвге озгъарувы 17:30
Yazılmaq
Дерслер
Дерслерде балаларгъа озьара мунасебетлер къурмакъ, достлашмакъ, озь фикирлерини сербест ифаде этмек огретемиз. Айны заманда эджнебий тиль, математика ве физкультура эсасларыны огретемиз.
Оюн шеклинде инглиз тили
Балагъа оюн, йырлар, арекетлер ве иджат вастасынен тильни огреткен меракълы дерслер. Бойле янашма янъы сёзлер ве ибарелерни къолай огренмеге, къонушма вакътында сеслерни менимсемек къабилиетини ве эминликни инкишаф этмеге имкян ярата. Дерс вакътында балалар роллер боюнджа оюнларда, иджадий вазифелерде ве интерактив мешгъулиетлерде фааль иштирак этелер, нетиджеде окъутув табиий, меракълы ве ильхамландырыджы ола.
Маракълы арифметика
Дерслерде ракъамлар ве эсапны оюн шеклинде огренелер. Балалар меселелерни амелий мисаллер, акъыл оюнлары ве оюн мешгъулиетлери вастасынен чезелер, ве, бойледже, мантыкъый фикир юрютювни, дикъкъат ве сабырларыны инкишаф эттирелер. Дерс девамында балалар системли низамны корьмеге, къыясламагъа, талиль этмеге ве меселелерни мустакъиль шекильде чезмеге огренелер.
Нейропсихология
Тиль муити, медениет ве аньанелерни козь огюне алып, бала мийини дикъкъатнен инкишаф эттирюв. Нутукъ, дикъкъат, хафызаны инкишаф эткен ве балаларгъа озюни идаре этмеге огреткен оюн мешгъулиетлери.
Къырым — бизим эвимиз
Балаларгъа озь Ватанлары — онынъ тарихы, табиаты, аньанелери ве медениети акъкъында чокъча бильмеге ярдым этемиз. Оюнлар, икяелер, иджадий мешгъулиетлер вастасынен балалар Къырымнынъ озьгюнлигини анълайлар ве онынъ мирасына эмиет бермеге огренелер. Меракъ, фикир юрютюв ве коммуникациянынъ инкишафына эм де озь Ватанына менсюплик дуйгъусыны тербиелевге махсус дикъкъат айырыла.
Ресимджи Османнынъ иджадий студиясы
Тасвирий фикир юрютюв хаял кучюни инкишаф эте ве балалыкътан башлап яхшы зевкъ ашлай. Биз ресим сызмагъа, пластилиннен чалышмагъа, кино чыкъармагъа ве даа чокъ башкъа меракълы шейлер огренемиз.
Пластилиннен чалышув, аппликация, конструкция

Дерслер яратыджылыкъ ве оюн вастасынен баланынъ эр тарафлама инкишафына ёнельгендир. Чешит материаллар иле чалышкъанда балалар индже моториканы, хаял кучюни, фезаий фикир юрютювни, сабыр ве мустакъиллигини инкишаф этелер.

Тезден мектепке!
Дерслер балаларгъа омюрлерининъ бу янъы деврине эминликнен кирмеге ярдым этелер — сакин, стресссиз ве ашыкъмайып. Биз эр бир баланынъ яшына ве индивидуаль темпине коре онъайтлы ве дестеклейиджи муит яратамыз. Бойле янашма мектеп аятына биринджи адымны къолай, ишанчлы ве шенъ япмагъа ярдым эте.
Логоритмика
Арекет, музыка ве нутукъны бирлештирген дерслер. Олар нутукъны, арекетлер координациясыны, ритм дуйгъусыны, дикъкъат ве хафызаны инкишаф эттирмеге ярдым этелер. Дерс девамында балалар ритмик мешгъулиетлер, музыкагъа уйгъун арекетлер япалар, нутукъ ве нефес оюнларында иштирак этелер.
Окъув устаханеси
Бу китап мевзусында джанлы къонушма мейданчыгъыдыр. Эр бир бала озь китабыны кетире, балалар бераберликте окъумагъа, динълемеге, фикир юрютмеге ве теэссуратларынен пайлашмагъа огренелер.
Дерслерде балалар сюжет ве къараманлар акъкъында лаф этелер, суаллер берелер, окъугъанларыны озь сёзлеринен икяе этмеге, фикирлерини ифаде этмеге ве башкъаларынынъ фикирлерине дикъкъатнен давранмагъа огренелер. Бойле формат окъувгъа меракъ ашлай, нутукъ, фикир юрютюв, хаял кучю ве озюнде эминликни инкишаф эте.
Физкультура.
Беден тербиеси мешгъулиетлери. Бу балаларнынъ догъру беден инкишафы ичюн эр кунь оюн шеклинде кечирильген дерслер.
Сынама кунь ичюн язылынъыз.
Баланъызны яздырмаздан эвель меркезимизнен, онынъ шартлары ве муити иле таныша билесинъиз. Контактларынъызны къалдырынъыз, биз сизнен багъланырмыз.
Сыкъ расткельген суаллер

Ана-бабалардан сыкъ кельген суаллерге джевапларны топламагъа тырыштыкъ. Сизни меракъландыргъан суальге джевап алмакъ ичюн бизге телефон этмек я да язмакъ мумкюн.

  • Суаль:
    Балалар меркезине насыл язылмалы?
    Джевап:
    Баланъызны бизге яздырмакъ истесенъиз, группаларны зиярет этмек ичюн сынама кунь боюнджа риджа ёлламакъ я да +7 (978) 799 46 75, +7 (978) 168 80 44 телефон номерлери вастасынен багъланмакъ мумкюн.
  • Суаль:
    Бир группада къач бала бар?
    Джевап:
    Бир группада 10-15 бала бар. Оджа эр бир балагъа толу вакъыт айыра бильмеси ичюн балаларнынъ сайысы бу къадар олмалы.
  • Суаль:
    Балалар меркезине озь оюнджакъларыны кетирмеге мумкюнми?
    Джевап:
    Эбет, озь оюнджакъларыны кетирмек мумкюн, амма оджалар ве меркезнинъ дигер хадимлери бу оюнджакълар ичюн месулиетли дегиль.
  • Суаль
    Баланы бир керелик бала багъчасында къалдырмагъа мумкюн ми?
    Джевап:
    Эбет, бала 4 яшындан буюк олса мумкюн.
Командамыз
Меркезимизде медениетимизни керчектен бильген профессионал оджалар чалыша. Олар тек бильгилеринен дегиль де, джанынен де пайлашып, севги иле эр бир "фиданчыкъ"къа чечек ачмагъа ярдым этелер. Командамыз - бизим гъурурымыз!
  • Белялова Лейла Нуриевна
    Балалар меркезининъ рехбери
  • Каримова Гульнара Эркижоновна
    Алий педагогик тасиль (мектепкедже тасиль, къырымтатар тили филологиясы, журналистика).
    Шимди мен электрон медиа муэллифи ве муаррири олып чалышам. Балаларнен чалышкъанда, оларгъа мустакъиль олмагъа, бош вакъытларыны тешкиль этмеге ярдым этмеге севем. Оларнынъ ана-бабаларына дост ве ярдымджы олмагъа тырышам.
  • Джелилова Сусана Мамидиевна
    Буюк группанынъ тербиеджиси, алий педагогик тасиль (къырымтатар тили ве эдебияты).
  • Калафатова Диляра Исмаиловна
    Кучюклер группасынынъ тербиеджиси, окъутмакъ акъкъы олгъан алий филология тасили.
  • Меметова Айше Алиевна

    Алий ихтисаслы дефектология тасили, магистр.

  • Нафеева Алие Рустемовна
  • Севиль Шестакова
    Инглиз тили оджасы, “Level up” инкишаф меркезининъ рехбери (CEO)

  • Ресимджи Осман
    Иджат оджасы
  • Эмине Абдурашитова
    тербиевий психолог
  • Умерова Мавиле Османовна
    Музыка оджасы

Фотогалерея

Бизге насыл кельмек ве бизнен насыл багъланмакъ мумкюн
Багъ
✆ Бизге телефон этинъиз: +7 (978) 799 46 75, +7 (978) 168 80 44
✉ Электрон почтамызгъа язынъыз: https://t.me/LeylaBelyalova
Адрес
Къырым джумхуриети, Акъмесджит ш., Фонтан м., Чкалова сокъ, 41
Бизге насыл кельмек мумкюн
Маршрут къурмакъ
Бала меркезимиз онъайтлы ерде ерлешкен, мында автомобильнен я да автобуснен кельмек мумкюн.
Бизге телефон этынъыз
Суаллеринъизге джевап бермеге эр вакъыт мемнюнмиз!

Сынама кунюне язылынъызое
+7 (978) 799 46 75