Balağa oyun, yırlar, areketler ve icât vastasınen tilni ögretken meraqlı dersler. Böyle yanaşma yañı sözler ve ibarelerni qolay ögrenmege, qonuşma vaqtında seslerni menimsemek qabiliyetini ve eminlikni inkişaf etmege imkân yarata. Ders vaqtında balalar röller boyunca oyunlarda, icâdiy vazifelerde ve interaktiv meşğuliyetlerde faal iştirak eteler, neticede oqutuv tabiiy, meraqlı ve ilhamlandırıcı ola.

Derslerde raqamlar ve esapnı oyun şeklinde ögreneler. Balalar meselelerni ameliy misaller, aqıl oyunları ve oyun meşğuliyetleri vastasınen çezeler, ve, böylece, mantıqiy fikir yürütüvni, diqqat ve sabırlarını inkişaf ettireler. Ders devamında balalar sistemli nizamnı körmege, qıyaslamağa, talil etmege ve meselelerni mustaqil şekilde çezmege ögreneler.

Til müiti, medeniyet ve ananelerni köz ögüne alıp, bala miyini diqqatnen inkişaf ettirüv. Nutuq, diqqat, hafızanı inkişaf etken ve balalarğa özüni idare etmege ogretken oyun meşğuliyetleri.

Balalarğa öz Vatanları - onıñ tarihı, tabiatı, ananeleri ve medeniyeti aqqında çoqça bilmege yardım etemiz. Oyunlar, ikâyeler, icâdiy meşğuliyetler vastasınen balalar Qırımnıñ özgünligini añlaylar ve onıñ mirasına emiyet bermege ogreneler. Meraq, fikir yürütüv ve kommunikatsiyanıñ inkişafına em de öz Vatanına mensüplik duyğusını terbiyelevge mahsus diqqat ayırıla.

Tasviriy fikir yürütüv hayal küçüni inkişaf ete ve balalıqtan başlap yahşı zevq aşlay. Biz resim sızmağa, plastilinnen çalışmağa, kino çıqarmağa ve daa çoq başqa meraqlı şeyler ogrenemiz.

Dersler yaratıcılıq ve oyun vastasınen balanıñ er taraflama inkişafına yönelgendir. Çeşit materiallar ile çalişqanda balalar ince motorikanı, hayal küçüni, fezaiy fikir yürütüvni, sabır ve mustaqilligini inkişaf eteler.

Dersler balalarğa ömürleriniñ bu yañı devrine eminliknen kirmege yardım eteler - sakin, stressiz ve aşıqmayıp. Biz er bir balanıñ yaşına ve individual tempine köre oñaytlı ve destekleyici muit yaratamız. Böyle yanaşma mektep ayatına birinci adımnı qolay, işançlı ve şeñ yapmağa yardım ete.

Areket, muzıka ve nutuqnı birleştirgen dersler. Olar nutuqnı, areketler koordinatsiyasını, ritm duyğusını, diqqat ve hafızanı inkişaf ettirmege yardım eteler. Ders devamında balalar ritmik meşğuliyetler, muzıkağa uyğun areketler yapalar, nutuq ve nefes oyunlarında iştirak eteler. //

Bu kitap mevzusında canlı qonuşma meydançığıdır. Er bir bala öz kitabını ketire, balalar beraberlikte oqumağa, diñlemege, fikir yürütmege ve teessuratlarınen paylaşmağa ögreneler. Derslerde balalar süjet ve qaramanlar aqqında laf eteler, sualler bereler, oquğanlarının öz sözlerinen ikâye etmege, fikirlerini ifade etmege ve başqalarınıñ fikirlerine diqqatnen davranmağa ogreneler. Böyle format oquvğa meraq aşlay, nutuq, fikir yürütüv, hayal küçü ve özünde eminlikni inkişaf ete.

Beden terbiyesi meşğuliyetleri. Bu balalarnıñ doğru beden inkişafı içün er kün oyun şeklinde keçirilgen dersler.